Baheula mah masih saeutik nu boga tustel teh, beda jauh jeung ayeuna, disababkeun kamajuan teknologi tea. Oh enya, kecap tustel ayeuna mah arang dipake, tos umum disebutna kamera.
Pas keur leutik mah sok resep lamun aya dulur ti kota nu nganjang teh, soalna sok bari nyandak kamera tea, hususna mun keur poe boboran siam. Tah kuring teh sok bungah mun difoto, asa siga model weh kudu pose kitu-kieu.
Teu siga ayeuna nu lamun difoto teh langsung bijil ti layar kamerana, pan baheula mah masih keneh nganggo klise film tea. Kudu nungguan diapdreuk heula, paling lila saminggu tah jadina teh. Atoh tah lamun tos nampi foto jadi, biasana aya hiji dua foto dina klise nu teu dicetak kumargi kabakar.
Ari di zaman smartphone model kiwari mah pastina moal aya deui istilah kabakar. Iwal mun nu dipake motona teh nganggo tustel zaman baheula, kamera analog nu masih keneh ku roll film nya pasti bakal ngalaman nu ngarana kabakar fotona.
Sanajan ayeuna mah serba digital, aya weh nu masih resep kana pakakas-pakakas heubeul. Nya kitu kamera analog ge masih aya nu make. Teu ngan ukur nu sepuh, malahan lolobana mah nu ngarora nu make deui tustel baheula ieu teh. Salah sahiji alasan maranehna make tustel model kieu teh kumargi resep kana hasil fotona nu kaciri heubeul, bahasana mah vintage.
Ngapdreuk poto ayeuna mah teu langsung dicetak kana kertas, tapi langsung discan asup kana komputer pikeun bisa ditembongkeun dina internet.
Ari di Bandung mah nu masih bisa cuci scan aya sababaraha tempat, lamun kuring mah seringna ka Seni Abadi Photo nu aya di Jalan Wastukencana, ngapdreukna gancang sajam langsung jadi. Kuring ge nyobaan di salah sahiji tempat nu sering disebut, nyaeta di Nasir Photo nu aya cakeut Unisba.
Tah kamari oge aya tempat ngapdreuk poto anyar di Bandung, Indofilmlab, disebutkeunna mah di Dago ayana teh. Reueus pisan kumargi di dieu bisa narima ngapdreuk roll film hitam putih.
Dah terlalu ngerti dah nulis apaan Rip. Tapi fotonya keren.
Woooow rebo nyunda?
Translate pleaaseee… 😛
Apa yg ditranslate? Panjang ah kalau postingannya ditranslate. Hehehe
Intinya… hahaha… *udah 14thn di bdg msh gagal paham ama bhs sunda* heuheu
Hihi iya tuh intinya bisa dilihat dari judulnya, yg kalau bahasa Indonesia-nya “afdruk foto”. 😀
Ok fine aku ora paham iki ngomong opo ihik ihik
Ora popo mas. Pokoke nangkene bae lah.
Ooo… ya ya ya.
Ho oh, malu aku…
ajiblah…!! salut..!!
nyakola… nyunda… nyantri…
pokona mah “tong era ngomong basa sunda…!”
ngapreuk poto hitam putih jang di sakola bahela mah sok nu disisi jalan (cianjur)
dina kotak di harudung ku lawon hideung bari di sebrot ku lampu patromak..!!
Enya inget keneh pernah aya afdruk kilat nu sok di sisi jalan.
sayah ge gaduh keneh tustel heubeul dong, merkna olimpus. eh nu mamang sih, sanes nu sayah. hehe..
nurutan ah unggal rebo bade nyerat basa sunda di blog 😀
Wih Oly, keyen pisan pasti.
Hayu ah urang ngamumule Basa Sunda, mun lain ku urang rek kusaha deui?
karacang…karacang..
tararahu…tararahuuu…
Cangcimen cangcimen.
Kacang kwaci permen sok.
Ah.. kabita ngalebetkeun seuratan ngangge basa sunda… jadi nostalgia keur leutik… btw (sunda tapi make btw : ) keneh, aya2 wae ) … ari tustel teh naonnya kapanjangan na “meletus disetel” kitu?? …padah wae jaman baheula mah kamera teh ayah nu meletusan tea.. jang blitz na… meletus bray caang… hehe..
Tustel mah kecap nu asalna ti bahasa Walanda, pedah ari ayeuna mah kan ceunah matokna ka Inggris jadi nu dianggo kecap kamera.
Meletus disetel ge tiasa. Ari baheula mah kan mun dipoto teh teu apdol mun teu nganggo flash nu bray caang teh. 😆
Uhuk.. Sudah tidak mengerti bahasa iniiii.. Aaaaaargh..!! :'(
Eleuh geuning naha meni gancang ngan 1jam? Di aloen photo AH Nasution mah angger lila jiga jaman baheula :’)
Ah cuci scan di Aloen Photo nu di Kopo Sayati mah teu aya nu jadi potona hiji-hiji acan. Hanas nungguan saminggu.
Sami jiga kabogoh abdi. Sok ngapreug di seni abadi, sumuhun eta tiasa di antosan jadi weh ka ditu wae.
Gaya euy kabogohna popotoan ku tustel film.
Salutlah sama Arip, keep nyunda beutipul yah …..
🙂